Акъмесджитте укъукъкъоруйджылар конференциясы отькериледжек

АТР телеканалы, "Мейдан" радиосы ве CrimeanTatars.org сайты аджайип "Хош дуйгъулар багъышла!" адлы фотоакцияны илян эте.

Акцияда эр бир меракълангъан инсан иштирак эте биле. Эр биримизнинъ шахсий фотоархивинде меракълы ве хош дуйгъулар багъышлангъан ресимлер бардыр. Биз сизге оларны бильгисаяр ве ноутбукларда сакъламайып бутюн алемге косьтермеге теклиф этемиз! Сиз ёллагъан фотолар АТР-де косьтериледжек янъы видеороликлернинъ бир къысмы ола биле.

Лейхамызда иштирак этмек истесенъиз, фотоларны konkurs@atr.ua электрон адресимизге ёлланъыз.

Шартлар: юксек дереджели фотолар 1280х1024 колеминде олып, мусбет, хош дуйгъулар багъышламакъ кереклер. Фотоларнынъ муэллифи мутлакъ белли олмалы. Интернеттен алынгъан фотолар къабул этильмей.  Тек фото ёллап дегиль де, ярышта иштирак этип, телерадиокомпаниямызнынъ махсус мукяфатыны алмакъ истегенлер Facebook -та бизим саифемизге кире билелер.

Фотоларны саифемизде ерлештире билесиз. Энъ чокъ "LIKE" деп бельгиленген фотолар гъалип чыкъаджакъ. Фотонынъ муэллифи мутлакъ белли олмасы - эсас шартлардан биридир, чюнки гъалип чыкъкъанлар фотоларнынъ асыл нусхаларыны такъдим этмелилер.

Сизинъ меракълы ве энъ эйи дуйгъулар багъышлагъан ресимлеринъизни сабырсызлыкънен беклеймиз!